|
Waarom moet ek my laat was?
1 2 3
4 5 6 7
Wanneer jy ‘n afspraak het om
na te kom, sal die aard en omstandighede van die afspraak bepaal hoe jy daarop
gaan reageer.
Sou jy gaan rugby kyk, gaan
fliek, of op vakansie gaan, of ‘n belangrike vergadering bywoon, sal jy by
elkeen van hierdie afsprake anders optree ten opsigte van jou voorbereiding vir
die afspraak.
Sou jy in die Transvaal woon en
jy moet na Kaapstad gaan om daar ‘n belangrike persoon te gaan spreek, kan jy
sekere keuses maak. Jy kan per pad, per spoor, of per lug daarheen gaan.
Daar aangekom, sal jy
heelwaarskynlik eers ‘n lekker stort of bad neem en dan skoon klere aantrek om
die persoon te gaan ontmoet. Die kanse dat jy die klere waarmee jy in Kaapstad
aangekom het, eers gaan uitwas en weer gaan aantrek vir jou afspraak, is uiters
skraal.
Die GROOT afspraak.
Netso is dit ook met die
adamiet die geval waar hy tans besig is om hom voor te berei vir die
belangrikste afspraak van sy lewe, naamlik sy afspraak met die Hemelse Vader.
Die adamiet (die kinders van
JaHWeH) is tans net vreemdelinge en bywoners op aarde — (Hebreërs 11:13).
Ons verlang na ons vaderland waar ons eendag met ons Hemelse Vader kan verenig -
(Hebreërs 11:14-16). Ons afspraak vir ‘n ewige lewe is dus eendag met
Hom wat alles geskape en alles gemaak het.
Om daar uit te kom, is daar ook
‘n pad wat die adamiet moet loop en waarop hy hom moet voorberei om eendag sy
grootste afspraak van alle afsprake na te kom.
Die agenda van die vergadering
is baie eenvoudig: Jy sal nie veel te sê hê nie, want die roete wat jy gevolg
het en die klere wat jy gaan aanhê, sal die uitslag van die vergadering bepaal:
Openbaring 20:12:
2 En ek het
die dode, klein en groot, voor Elohim sien staan, en die Boekrol is geopen; en
’n ander Rol, die Boekrol van die Lewe, is geopen En die dode is geoordeel
na wat in die Rol geskryf is, volgens hulle werke. [2 Ezra 8:33]
So waarsku Henog 98:7 ons:
7 Moenie in
julle gees dink, of in julle hart sê dat julle nie weet en dat julle nie sien
hoe elke oortreding elke dag in die hemele aangeteken word voor die
Aangesig van die ALLERHOOGSTE nie.
Henog 97:6:
6 Al die woorde van
jul wetteloosheid sal voor die Groot Aparte Een gelees word, en julle
gesigte sal met skaamte bedek wees, en Hy sal elke werk wat op wetteloosheid
gebou is, verwerp.
Dus om nie eendag jou gesig
voor JaHWeH met skaamte te bedek nie, maar om met vreugde en blydskap voor Hom
te kan verskyn, moet ons:
Eerstens, die regte
pad volg en
tweedens, moet ons
die regte klere aanhê.
Spreuke 12:28 dui
die pad so aan:
28 Op die
pad van geregtigheid is lewe, en [in] die rigting van dié pad is geen
dood.
Ook sê Salomo in Wysheid
van Salomo 1:15:
5 Want die geregtigheid
is onsterflik.
Die begrip “geregtigheid”
beteken hier, “om die Wil van JaHWeH te doen”.
Hoe word hierdie pad bewandel?
Volgens Génesis 1:26 is
ons na die beeld en die gelykenis van ons Hemelse Ouers gemaak.
26 En
Elohim het gesê: Laat ONS adamiete maak na ONS beeld, na ONS
gelykenis, en laat hulle heers ...
Ons is dus die teëbeeld van
hoe dit daar in die hemele uitsien. Ons maniere en optrede het ons van Hulle
geërf, want ons is Hulle gelykenis.
Daarom, as ons hier op aarde
die huisgesin as kernstruktuur het, is dit tog net ‘n voorbeeld van die
hemelse Huisgesin.
MattithJaHûw 6:10:
10 laat U
Koninkryk kom; laat U wil geskied, soos in die hemele net so
ook op die aarde;
Die moeder dra, versorg,
vertroetel en onderrig haar kinders. Sodra hulle wasdom bereik, neem die pa
hulle in sy sorg en hulle werk vir hom, of soek werk by ander.
So leer en onderrig die Hemelse
Moeder (Gees van Wysheid) ons ook eers totdat Sy ons oorgee aan ons Hemelse
Vader.
‘n Pragtige voorbeeld word
gevind in:
Hosea 11:3, 4, 7, 9, 10, 11:
3 En Ek
self (ma) het Efraim (kind) leer loop. Hy (pa)
het hulle (kinders) op sy arms geneem, maar hulle (kinders)
het nie erken dat Ek (ma) hulle genees het
nie.
4 Met koorde van
adamiete, met bande van liefde het Ek (ma)
hulle getrek; en Ek was vir hulle soos diegene wat die juk van hulle kakebeen
af oplig; en Ek (ma) het My na hom (kind)
neergebuig, Ek het hom voedsel gegee.
7 Want My (ma)
volk (kinders) neig om van My afvallig te word; maar tog roep
hulle die Hoogste, (pa) en Hy word glad
nie verhoog nie.
9 Ek sal My
brandende Woede nie laat geld nie, Ek sal Efraim nie weer te gronde rig nie;
want Ek (ma) is El en
nie ’n man nie, die Aparte Een in jou midde. En Ek sal nie kom in
Grimmigheid nie.
10 Hulle (kinders)
sal agter JaHWeH aan trek; Hy (pa) sal
brul soos ’n leeu. Want Hy sal brul, en die kinders sal sidderende van die
seekant aankom.’n duif uit die land Assur; en Ek (ma)
sal hulle laat woon in hulle huise, spreek JaHWeH.
Ons kan dit verder met
skoolopleiding vergelyk. Gedurende jou skooljare is jy nog in jou moeder se
sorg en sy help jou om deur jou primêre opleiding te worstel.
Na skool gaan jy universiteit
toe vir sekondêre of gevorderde opleiding. Daarna is jy klaar geleer en is jy
gereed om die lewe aan te pak.
‘n Babatjie drink eers melk
en daarna neem hy vaste spys in. So lees ons in:
Hebreërs 5:13-14:
13 Want elkeen
wat melk gebruik, is onervare in die Woord van geregtigheid, omdat hy
’n kind is. (primêre opleiding)
14 Maar vaste
spys is vir volwassenes, vir die wat geestesvermoëns besit deur die
gewoonte geoefen, om goed van boosheid te onderskei. (sekondêre
opleiding)
Daar is dus twee Geeste wat
ons onderrig. Die Gees van die Hemelse Moeder, die Gees van die Wysheid of
Apartheid en die Gees van die Hemelse Vader, die Gees van die Waarheid of die
Trooster. Die Ode van Salomo 19:1-4 beskryf die Hemelse Gesin, en Spreuke
8 vertel ons van Haar ontstaan.
Die Wysheid werk dan eerste
met jou en lei jou stadigaan uit die donkerte na volmaan, dan na dagbreek, dan
na die volle sonlig. As Sy jou klaar geleer het, kan jy jouself as ‘n
regverdige beskou.
Henog 58:2-3 sê:
2 Geseënd is
julle, die regverdiges en uitverkorenes, want Glansrykheid sal julle lot
wees. Die regverdiges sal in die lig van die son
staan,
3 en die
uitverkorenes in die Lig van die ewige lewe; die dae van hul lewe sal
sonder ophou wees, en die dae van die apartes sonder getal.
MattithJaHûW 13:43 sê:
43 Dan sal die regverdiges skyn soos die
son in die Koninkryk van hulle VADER. Wie ore het om te hoor, laat hom
hoor. [DaniEl 12:3, Openbaring 13:9]
Daarna sal die Hemelse Vader
se Gees van Waarheid jou verder lei in die hele Waarheid, sodat jy ‘n
uitverkorene kan word en in die Lig van die ewige lewe staan - (Henog
58:3).
Ek glo daar is maar min
indien enige van ons wat hierdie goddelose aarde bewandel wat enigsins ‘n
kans staan om ‘n uitverkorene te word. Ons moet egter maak soos die
spreekwoord sê: “Reik vir die sterre, dalk haal jy die plafon.”
Ons moet hoog mik, want ook
die regverdiges is nie baie veilig nie.
1 Petrus 4:18:
18 En as die
regverdige nouliks gered word, waar sal die boosdoeners en die
oortreders, verskyn?
Die werking van die Wysheid.
In Spreuke 8 vanaf vers
22 lees ons:
22 JaHWeH het My
berei as eersteling van Sy Weg, voor Sy werke, van ouds af. [Wysheid
van Sirah 24]
23 Van ewigheid
af is Ek geformeer, van die begin af, van die voortyd van die aarde
af.
30 toe was Ek
by HOM, (Génesis 1:26)soos een wat opgelei word en Ek was dag
vir dag vol verlustiging en het gespeel voor SY Aangesig altyd,
31 en het
gespeel op die woonplek van SY aarde, en My verlustiginge was met die
seuns van adam. (moeder)
So lees ons ook verder in:
Ode van Salomo 8:14-16:
14 Want Ek wend
nie My aangesig af van hulle wat Myne is nie, omdat Ek hulle ken;
15 En voordat
hulle ontstaan het, het Ek hulle waargeneem; en My seël op hul aangesigte
geplaas.
16 Ek het hul
liggaamsdele geformeer; en My borste het Ek vir hulle voorberei, sodat
hulle My melk van Apartheid mag drink en daardeur mag lewe.
Wie is hierdie seuns van adam
wat die Wysheid ken en haar seël op geplaas het?
In Wysheid van Sirah 6:22 lees
ons:
22 Want Wysheid,
is soos Haar Naam, Sy is nie toeganklik vir almal nie.
Henog 42:1 en 2:
1 Wysheid het
geen plek gevind waar Sy kon woon nie; toe is ‘n woonplek vir Haar in die
hemele aangewys.
2 Wysheid het
uitgegaan en woonplek tussen die kinders van die adam gesoek en het geen
woonplek gevind nie: Wysheid het na Haar plek teruggekeer en het Haar sitplek
tussen die Boodskappers ingeneem.
Maar weliswaar het Sy
uiteindelik ‘n woonplek gevind.
Sirah 24:8:
8 Toe het HY,
die Formeerder van die heelal, My beveel, en My Formeerder het My
woonplek vasgestel; en HY het gesê: Onder
Jakob moet Jy woon en in JisraEl moet Jy [jou] erfdeel besit.
Om dus Wysheid te besit en
deur Haar onderrig te word, moet jy deel van die Twaalf Stamme van JisraEl
uitmaak. Die Wysheid wat jy van Haar ontvang, is die Wysheid van Bo, soos Jakobus
3:17-18 dit beskryf.
17 Maar die
Wysheid van Bo is ten eerste onbesoedeld, dan vredeliewend, vriendelik,
geseglik, vol barmhartigheid en goeie vrugte, onpartydig en opreg. [Wysheid
van Salomo 7:22-23] (moederlike eienskappe)
18 En die vrug
van die geregtigheid word gesaai in vrede vir die wat vrede maak.
Hoe bereik Sy dan die kinders van JisraEl?
In Ode 33:5-13 lees
ons:
5 Maar ‘n volmaakte
Maagd (die Wysheid) het gestaan, en aangekondig en uitgeroep en gesê,
6 Draai om, (kom
tot inkeer) julle seuns van adam, en julle, hulle dogters, kom,
7 En verlaat die
weë van verdorwenheid en kom na My;
8 En Ek sal julle
binnedring en julle uit vernietiging haal en julle Wys maak in die weë
van Waarheid. (op die weg van geregtigheid)
9 Moenie
verdorwe raak nie, en moenie tot niet gaan nie.
10 Luister na My
en word verlos. Want Ek verkondig aan julle die barmhartigheid van Elohim.
11 Deur My sal
julle verlos word en geseënd word: Ek is jul regter.
12 En diegene
wat hulle met My beklee, sal nie verwerp word nie, maar sal
onverdorwenheid in die nuwe wêreld verkry.
13 0 My
uitverkorenes, (Jakob, JisraEl) wandel in My! En Ek sal My weë bekend maak aan
hulle wat My soek, en maak dat hulle in My Naam sal vertrou. [Wysheid
van Sirah 15:1-10]
Volgens Spreuke 8:1-21 gaan
Haar roepstem ook uit.
1 Roep die
Wysheid nie, en verhef die Verstand nie Haar stem nie?
2 Op die top van
die verhewe plekke langs die Weg, op die kruispunt van die paaie staan
Sy,
3 aan die kant
van die poorte by die uitgang van die stad, by die ingang van die deure roep
Sy hardop:
4 Ek roep na
julle, manne, en My stem is tot die seuns van die adam.
5 Leer tog
skranderheid verstaan, eenvoudiges, en dwase, leer verstandigheid verstaan.
6 Hoor, want Ek
sal voortreflike dinge spreek, en My lippe gaan oop vir wat reg is.
7 Want My
verhemelte spreek Waarheid, en boosaardigheid is vir My lippe ’n gruwel.
8 Al die Woorde
van My mond is Geregtigheid; (die pad wat jy moet loop) geen verdraaidheid
of valsheid nie,
9 hulle is almal
duidelik vir die verstandige en reg vir die wat Kennis gevind het.
10 Neem My Tug aan,
en nie silwer nie, en Kennis liewer as uitgesoekte goud.
11 Want Wysheid
is beter as robyne, en al die kleinode kan nie met Haar vergelyk word nie.
12 Ek, Wysheid,
is vertroud met die skranderheid, en Ek vind Kennis van regte Oorleg.
13 Die Vrees van JaHWeH is om te
haat
11 Hulle (kinders) sal
sidderende aankom soos ’n voëltjie uit Egipte (Afrika) en soos
wat boos is; hoogmoed en trotsheid en ’n
bose wandel en ’n huigelagtige mond haat Ek.
14 Raad en Wysheid
is Myne, Ek is die Insig, Sterkte is Myne.
15 Deur My regeer
die konings en skryf die maghebbers wetgewing van geregtigheid;
16 deur My heers
die vorste en die edeles, al die regters van die aarde.
17 Ék het lief die wat My liefhet,
en die wat My soek, sal My vind.
18 Rykdom en eer
is by My, duursame goed en geregtigheid.
19 My vrug is
beter as goud en as fyn goud, en My opbrengs as uitgesoekte silwer.
20 Ek wandel op
die Weg van Geregtigheid, in die middel van die paaie van reg,
21 om die wat My liefhet,
’n besitting te laat erwe, en hulle skatkamers maak Ek vol.
1 2 3
4 5 6 7
| 