Alle hoofletters, klemtekens en leestekens is invoegings wat die Afrikaans vereis om ‘n korrekte weergawe weer te gee. Daar is deurgaans gebruik gemaak van die spelreëls soos in die 33/53 Afrikaanse Vertaling, met die volgende wysigings: Waar betekenisse van woorde aangedui is, is van ( ) gebruik gemaak. Waar ‘n invoeging gebruik moes word om die sinskonstruksie van die woordelikse vertaling te laat vlot, is [ ] gebruik. Waar die Afrikaanse- en die Hebreeuse woord saam gebruik is, is van ‘n / gebruik gemaak. Verder is van voetnotas gebruik gemaak in gevalle waar omskrywings noodsaaklik was.

Daar is ook deurgaans van kruisverwysingsverse gebruik gemaak wat die leser in staat sal stel om die verskillende Boekrolle aan mekaar te koppel, veral dié Boekrolle wat vir die meeste mense nuut sal wees. Hierdie werk is nog nie afgehandel nie, en ‘n volledige Verwysingsboek word vir die toekoms beplan.

Verder het ons aan die VADER titels en verwysings toegeken deur waar bekend, na HOM te verwys met hoofletters, soos HY, SY, HOM, ensovoorts. Na die ander Wesens van die Elohim word verwys met Hy, Sy, Haar, Hulle, Manne, Boodskapper Geeste, Wesens, ensovoorts.

‘n Verdere ontdekking was die Geeste van JaHWeH wat beskryf word as Wysheid, Tug, Kennis, Insig, Vrees, Verstand, Woede, Vuur, Grimmigheid, Barmhartigheid, Waarheid, ensovoorts. Van Hulle is vroulik en van Hulle is manlik. Verder word hierdie Hemelwesens tesame met SY Boodskappers en SY Seun beskryf as Rots, Skild, Oë, Vinger, Arm, Uitgestrekte Arm, Sterke Hand, Seun van Adam, SY Apartheid en vele meer.