Daar was slegs vier Primêre embleme wat ‘n spesifieke voorwerp of kenmerk uitgebeeld het, wat in een of ander vorm ingeweef is in die ander bestaande embleme, maar hierdie vier belangrike Hoof- Primêre embleem vind ek al vier in die ou Transvaalse wapen!! - met geweldige betekenis!

Ek verwys u nou na my sketse van hierdie embleme en die betekenis daarvan – asook na die geslagsregister van die SUIWER SAADLYN, soos beskryf in die Bybel – vanaf Adam tot op die MESSIAH. Let op hoe die BASTER SAADLYN na slegs ongeveer vier geslagte uit die geskrifte van die Bybel verdwyn, sodat ‘n mens dit in die sekulêre geskrifte moet gaan opsoek – terwyl die Suiwer Saadlyn deur duisende geslagte gaan - tot op ons van vandag.

Hier volg ‘n paar voorbeelde van ‘n paar seuns van Jakob wat hulle bevind in die moderne lande soos wat die Skrif hulle vir ons identifiseer. In die geskiedenis kan ons hulle ook vind as ons weet waarna om te soek. Kyk na ‘n gewone wêreldkaart en sien hoe die “OOSTEWIND” hierdie volk weggewaai het na die ‘Weste’, na die lande wat vir hulle bestem was volgens die profesieë, waar hulle hul gevestig het om daar die rol te vervul wat vir hulle bestem is. Ons begin by:

1. Sébulon (Holland) – “Sébulon sal woon by die strand van die see; en hy sal by die strand van die skepe wees, met die sykant na Sidon toe.” - Génesis 49:19. “Sébulon is ‘n volk wat sy siel gering ag tot die dood toe …” - Rigters 5:18. “En van Sébulon het hy gesê; Verheug jou, Sébulon, oor jou togte ...” - Deuteronómium 33:18, 19.

Hulle sal volke na die berg roep; daar sal hulle offers van geregtigheid offer; want hulle sal die oorvloed van die see insuig en die verborgenste skatte van die sand.” Deuterónomium. 33:18-19.

As ons na Holland kyk, sien ons dat hulle die see verder terugskuif deur die sand uit te suig en duike te bou om die see uit te hou en sodoende meer grond in die hande te kry waarop hulle nuwe lande kon uitlê, maar ongelukkig hang hulle die Rooms-Katalosisme aan en daarom sê die Skrif dat hulle hul ‘siel gering ag’! Ons weet ook dat Holland ‘verheug was oor hul togte’ omdat hulle die speseryhandel vir baie jare oorheers het deurdat hulle ‘n geweldige florerende handel op see geskep het wat lande soos Spanje en Engeland groen van jaloesie gelaat het. Daar het selfs oorloë uitgebreek tussen hierdie lande oor die seeweë wat hierdie skatte, soos kruie en speserye na Europa moes bring. Hulle word ook kragtig op die see. Vergelyk die geskiedenis van die H.O.I.K. wat armadas van skepe gehad het wat die hele wêreld deurkruis het op soek na rykdomme. Diegene wat die geskiedenis ken, weet dat Holland vir baie jare lank die botoon op die seeweë gevoer het, totdat Brittanje sy heerskappy beëindig het.

2. Efraim (Engeland) – Génesis 48:19 sê soos volg: “Maar sy vader weier en sê: Ek weet, my seun, ek weet. Hy sal ook `n volk word, en hy sal ook groot word; nogtans sal sy jongste broer groter wees as hy, en sy nageslag sal `n menigte van nasies word.”

Ons weet dat Engeland met die draai van die eeu in 1900 op die toppunt van sy glorie was - met ‘n uitgestrekte ryk wat regoor die aarde gestrek het - vanaf Indië, regdeur Afrika, met sy ‘Dominiums’ deur Egipte, tot op baie klein eilandjies oral in die see. Daarom sê die Skrif dat hy ‘n menigte van nasies tot stand sal bring – en hulle bestaan vandag nog! Verder sê Génesis 49:24: “maar sy boog het sterk gebly (vir baie jare kon Engeland al die aanslae van die ander volke afweer) en die arms van sy hande was buigsaam, deur die hande van die Magtige van Jakob – daarvandaan waar die herder, die STEEN van ISRAEL is. ‘Die steen van Israel’ is daardie klip waarop Jakob geslaap het toe hy die leer gesien het wat tot in die Hemel reik. Daardie klip is vandag in die ou ‘Kroningstroon’ wat te sien is in die Westminister Abby, in Londen. Dit staan bekend as, ‘The Stone of Skone’. Ook genoem ‘The Stone Symbol’.

Dan sal Ek die troon van jou koningskap oor Israel vir ewig bevestig, soos Ek jou vader David beloof het deur te sê: Daar sal vir jou nooit `n man ontbreek op die troon van Israel nie. 1 Konings 9:5:

en ook 11 Kronieke 6:16 – wat sê:

Hou nou ook, JaHWeH, Elohim van Israel, die belofte wat U aan U kneg, my vader Dawid, gedoen het, naamlik: Daar sal nooit `n man voor My Aangesig ontbreek wat sal sit op die troon van Israel nie, ...

Dit is bekend dat die troon van Dawid in die Heilige land omvergewerp en deur Jeremia na Ierland gebring is – en daarna deur die Britse Ryk oorgeneem is. Elke koning of koningin van die Britse Ryk kan terugevoer word na die ‘Huis van Dawid’. Dus het daar nog nooit ‘n koning ontbreek in die voortsetting van die Koningskap van Dawid nie - want Dawid se troon is nou in Brittanje!!. (???????????)

3. Manasse (VSA) – Wat sê die Skrif van Manasse – of dan die VSA? Ons lees in Génesis 27: 28-29 die volgende:

En mag Elohim jou gee van die dou van die hemele en van die vet grond van die aarde en oorvloed van koring en mos. Volke sal jou dien, nasies voor jou neerbuig. Wees `n heerser oor jou broers, en die seuns van jou moeder moet hulle voor jou neerbuig. Vervloek is hulle wat jou vloek, geseënd hulle wat jou seën.

Ons kyk nou hoe die Skrif hierdie twee seuns, naamlik Efraim (Engeland) en Manasse (VSA) aanmekaar koppel – want hulle was Josef se tweeling – al dan nie? Ons lees in Deuteronómium 33:13-17 as volg:

En van Josef het hy gesê: Geseënd deur JaHWeH is sy land met die kostelikste gawe van die hemel, met dou en met die wêreldvloed wat onder lê, en met kostelikste voortbrengsels van die son en met die kostelikste gewasse van die mane – en met die vernaamste voortbrengsel van die berge van die voortyd en met die kostelikste gawe van die ewige heuwels, en met die kostelikste gawe van die aarde en van sy volheid, en die welbehae van Hom wat in die doringbos gewoon het – laat dit kom op die hoof van Josef en op die hoofdeksel van die vors onder sy broers.

Sy eersgebore stier(Engeland) – heerlikheid is syne, en sy horings is buffelshorings (John Bull) – Brittanje – daarmee sal hy die volke stoot, die eindes van die aarde almal saam. En dit is die tienduisende van Efraim(Engeland) en dit is die duisende van Manasse, VSA!

Dit is bekend dat die VSA die grootste produseerder van koring in die hele wêreld is. In die Mississipi-vallei en ander state produseer hulle soveel, dat hulle Derde-wêreld lande aan die lewe hou - tot vandag toe nog. In die Eerste en Tweede Wêreldoorloë het Amerika, Brittanje so te hulp gekom met oorlogstuig, soos vegvliegtuie, tenks, ammunisie, voedsel, olie en soldate uit sy ‘kostelike gawes uit die aarde’ dat Brittanje in staat was om ‘die volke te stoot met sy horings’. Sy het nog nooit ‘n oorlog verloor nie – (behalwe die veldslae wat sy in Suid-Afrika teen die BOERE verloor het – ongeveer almal – het sy nogtans die oorlog gewen!) Die nasies van die aarde buig voor hierdie ‘jongste’ seun, want niemand kan teen hom in opstand kom nie! So het die ouer broer (Efriam) dan die jonger broer (Manasse) gedien – en alle volke van die wêreld kyk op na Manasse, of hulle wil of nie! U sien dus dat hierdie twee seuns, Efraim en Manasse, die twee geseëndes van Josef, ongeveer die hele wêreld beheer!!

4. Aser (Frankryk) – Wat sê die Skrif oor Aser? Deuteronómium 33:24 sê as volg:

En van Aser het hy gesê: Geseënd is Aser bo die seuns; laat hy die liefling van sy broers wees, en een wat sy voet in olie insteek.

Dit wil sê dat Frankryk sy eie olie sal besit en hulle het hulle eie oliebronne wat in die verlede ook baie onmin onder die volkere veroorsaak het. Hitler het op ‘n keer die hele Elsas-Lotharinge–gebied met sy fabrieke en olieryke gebiede 

self geannekseer. Ook sê Génesis 49:20:

Aser, sy spys is vet, en hy lewer koninklike lekkernye.

Dit is bekend dat die Franse baie lief is vir lekker kosse en die beste ‘sjefs’ kan jy vandag in Parys gaan opsoek.

Aser sal ook baie hawens besit en rustig woon - Rigters 5:17:

Gílead het rustig oorkant die Jordaan gebly; en Dan, waarom vertoef hy by die skepe? ASER het bly sit aan die seekus en aan sy baaie rustig gebly.” –

5. Dan (Denemarke) – sal soos ‘n slang wees – hy laat ‘n sleepsel na! Hoekom?

Génesis 49:17 - Sover as wat Dan deur Europa getrek het, het hy stede gestig en sy naam aan riviere, berge, stede, dorpe en hawens gegee, soos byvoorbeeld Dundee, Danhauser, Dunkirk, Donau- en Dnepner-rivier, ensovoorts. Soos ‘n slang het hy dus deur Europa getrek en sy merk agtergelaat!

6. Náftalie (België) –

Náftali is soos ‘n wildsbok so vry, hy wat mooi woorde laat hoor. - Génesis 49:21.

Náftali is dus bekend vir sy digkuns en prosa – en hy woon ook suid van Sébulon - Deuteronómium 33:23.

En van Náftali het hy gesê: Náftali, versadig van geluk en vol van die seën van JaHWeH – neem jy see en suidland in besit!

7. Benjamin (Zimbabwe en Zambië) – Hierdie mense sal lief wees vir wildsvleis:

Benjamin is `n wolf wat verskeur; in die môre eet hy sy prooi, en in die aand deel hy buit uit. - Génesis 49:27.

Hy woon ook tussen die berge – Matoppos:

Van Benjamin het hy gesê: Die beminde van JaHWeH – hy sal veilig woon; Hy beskerm hom die hele dag en woon tussen sy berghange. - Deuteronómium 33:12.

Hulle sal later bekend staan as die volk Jerusalem:

En die kinders van Benjamin het die Jebusiete, die inwoners van Jerusalem nie verdrywe nie, sodat die Jebusiete saam met die kinders van Benjamin in Jerusalem woon tot vandag toe.”

Die stam van Benjamin sal ook die kleinste van al die stamme wees – Psalm 68:27.

Hulle was op ‘n staduim so uitgeroei deur Efraim, dat die Oudstes van die volk toestemming moes verleen dat die manlike oorblyfsel van Benjamin vir hulle vroue kon neem uit die ander stamme sodat hulle nie tot niet sou gaan as stam nie. Op ‘n sekere tydstip sal hulle weer moet vlug vir hulle lewe.

Vlug, kinders van Benjamin, uit Jerusalem uit; en blaas die basuin in Tekòa, - JirmeJaH 6:1.

Ons weet dat met die Blanke-oorname van oud-Rhodesië in 1890 onder die aanvoering van Rhodes, het die Blankes daar gefloreer tot met die oorname deur die Swartman aldaar waar Ian Smith die mag oorhandig het – eers aan Abel Musorewa en daarna met ‘n verkiesing aan Robert Mugabe! Van daardie dag af het letterlik duisende Blankes na Suid-Afrika en Brittanje en ander dele van die wêreld gevlug en dit blyk dat die Blankes – Benjaminiete - nog nie die einde van hul probleme bereik het nie.

8 Juda (Suid-Afrika) – Juda sal in die Suide woon by die ‘Tong’- skiereiland – JeHôWshua 15:1-2

Juda sal edele wyne produseer:

Hy maak sy jong esel vas aan die wingerdstok en die vul van sy eselin aan die edelste wynstok; hy was sy kleed in wyn en sy gewaad in druiwebloed. - Génesis 49:11. Juda sal ook die jongste Israelvolk wees, of ‘dogtersvolk’ of ‘Dogter’ van Sion’. “Juda is `n jong leeu’ - (ons is die jongste volk op aarde) - Génesis 49:9, Klaagliedere 2:13, Psalm 78:68. Sy vorste was eers wit, maar word later swart.

Haar vorste was helderder as sneeu, witter as melk, rooier van liggaam as korale, hulle gestalte `n saffier – Maar hulle voorkoms het donkerder as swartsel geword, hulle is nie herken op die strate nie; hulle vel kleef aan hulle gebeente, dit het droog geword soos hout. - Klaagliedere 4:7-8.

Hulle sal ook oorkant die riviere van Kus (Ethiopië) woon – dit wil sê die Zambezi, Kaluek, Kavango en Kunneneriviere - TsefanJaH 3:10. Aan beide kante van sy land sal daar ‘n see wees en die wêreld eindig daar - Psalm 72:8, ZekarJaH 9:9-10.

Juda sal aan die einde van die dae met die koning van die Noorde (Brittanje) oorlog maak en dit sal oor goud en diamante gaan. Ons weet dat die Anglo-Boere-oorlog slegs gegaan het oor edelgesteentes soos diamante, goud en ander minerale rykdomme en dit is slegs toe te skryf aan die naywer van Efraim wat die Boere Republieke met ‘n jaloerse hart en afguns ingeval het en ‘n derde van Juda se inwoners alhier uitgeroei het. - DaniEl 11:38, 40, 43.

Die mag van die ‘Heilige’ (apartgesette volk) sal verbreek word teen die einde waartydens hierdie volk gered gaan word - DaniEl 12:7.

Om Juda, of owergeset synde, ‘Die Dogter van Jerusalem’ en ‘Die Dogter van Sion’ verder te identifiseer as hier in Suid-Afrika, kyk ons na Klaagliedere 4:2: “Die kinders van SION, die kosbares, wat teen FYN GOUD geskat was ...” Dit is bekend dat slegs Suid-Afrika sy goud teen FYN ONS verkoop. Amerika en Rusland delf goud in klonte – ook genoem ‘NUGGETS’. Let ook op na TsefanJaH 3 vanaf vers 10 waar die Skrif sê dat hierdie twee genoemde 'DOGTERS' oorkant die riviere van Kus gekry kan word. In hierdie geval verwys ek u na my kort verhandeling getitel – Jesaja 18 en Sefanje 3. Daarin sal u sien dat Juda en Benjamin dieselfde is as die Dogters van Sion en Jerusalem.